1 מִזְמ֥וֹר לְתוֹדָ֑ה הָרִ֥יעוּ לַ֝יהוָ֗ה כָּל ־הָאָֽרֶץ ׃ 2 עִבְד֣וּ אֶת ־יְהוָ֣ה בְּשִׂמְחָ֑ה בֹּ֥אוּ לְ֝פָנָ֗יו בִּרְנָנָֽה ׃ 3 דְּע֗וּ כִּֽי ־יְהוָה֮ ה֤וּא אֱלֹ֫הִ֥ים הֽוּא ־עָ֭שָׂנוּ ולא אֲנַ֑חְנוּ עַ֝מּ֗וֹ וְצֹ֣אן מַרְעִיתֽוֹ ׃ 4 בֹּ֤אוּ שְׁעָרָ֨יו ׀ בְּתוֹדָ֗ה חֲצֵרֹתָ֥יו בִּתְהִלָּ֑ה הֽוֹדוּ ־ל֝֗וֹ בָּרֲכ֥וּ שְׁמֽוֹ ׃ 5 כִּי ־ט֣וֹב יְ֭הֹוָה לְעוֹלָ֣ם חַסְדּ֑וֹ וְעַד ־דֹּ֥ר וָ֝דֹ֗ר אֱמוּנָתֽוֹ ׃